Wednesday, June 16, 2010

Mujhse mat pooch ki kyun aankh jhuka li maine

Mujhse mat pooch ki kyun aankh jhuka li maine,
teri tasveer thi jo tujhse chupa li maine,

jis pe likha tha ki tu meri muqaddar mein nahi,
apne maathe ki woh tehreer mita li maine,

har janm sabko yahaan sachha pyaar kahaan milta hai,
teri chaahat mein to umr bita li maine,

mujhko jaane kahaan ehsaas mere le jaayein,
waqt ke haathon se ek nazm utha li maine,

gheerey rehti hai mujhe ek anokhi khushbu,
teri yaadon se har ek saans saja li maine,

jiske sheron ko woh sunkey bahut roya tha,
bas wohi ek ghazal sabsey chupa li maine…

0 comments:

Some Interesting News

Share Your Shayari With Blog

Related Posts Plugin for WordPress, Blogger...